ಗಾಳಿ ನೀ ಯಾವ ಜಾತಿ?

ಕರಿಕಾಗೆಯೊಂದು ದಿಟ್ಟಿಸುತ್ತಿತ್ತು ಕಪ್ಪು ಮೋಡವನ್ನು ,

ಜನರು ಕಾದರು ತೂರುವ ಬಿಳಿ ಕಿರಣವನ್ನು 

ಮಳೆ ಧೋ ಅಂದಿತು, 

ನೆನೆದ ಕಾಗೆ ಕಾ ಕಾ ಎಂದು ಹಾರಿಹೋಯಿತು 

ನೆರೆದ ಜನರು ಗೂಡು ಸೇರಿದರು 

-------------------------------------

ಆತ ಬಡವ, ಆಕೆ ಬಡವಿ 

ಇಬ್ಬರಿಗೂ ಅದು "ಬಯಸದೆ ಬಂದ ಭಾಗ್ಯ"

ತಿಂಗಳಿಗೆ ಒಂದು ಲಿಟರ್ "ಪಾಮೋಲಿನ್ ಎಣ್ಣೆ"

ಒಂದು ಕೆಜಿ ಉಪ್ಪು, ಎಂಟು ಕೆಜಿ ಅಕ್ಕಿ 

-------------------------------

ಜಾತಿ ಜಾತಿ ಎಂದರು  ಜ್ಞಾತಿಗಳು 

ಕುಲ ಕುಲ ಎಂದರು ಯತಿಗಳು 

ಸತ್ತವನು ಹೆಣವಾದ, ಸುಟ್ಟರು

ಗಾಳಿ ನೀ ಯಾವ ಜಾತಿ? 

-------------------------------------