ಪೂಜೆ ಹವನಗಳು ಕಾರಣವೇ ಹೊರತು ಇನ್ಯಾವುದು ಅಲ್ಲ

ಮೊನ್ನೆನಡೆದ ಭಾರತ ಪಾಕ್ ವಿಶ್ವಕಪ್ ಕಿರಿ-ಕೆಟ್ಟು ಆಟದಲ್ಲಿ ಕೊಹ್ಲಿ ಶತಕ ದಾಖಲಿಸಲು ಭಾರತದಲ್ಲಿ ನಡೆದ ಪೂಜೆ ಹವನಗಳು ಕಾರಣವೇ ಹೊರತು ಇನ್ಯಾವುದು ಅಲ್ಲ ಎಂದು ಪ್ರಖ್ಯಾತ ಟಿವಿ ಗುರೂಜಿ ತಿಳಿಸಿದ್ದಾರೆ. ಕೊಹ್ಲಿಯ ಕೆಲವು  ಕ್ಯಾಚ್ಗಳನ್ನು ಪಾಕ್ ಆಟಗಾರರು ಚೆಲ್ಲಲು ತಾವು ಮಂತ್ರಿಸಿದ ನಿಂಬೆಹಣ್ಣು ಕಾರಣ ಎಂದು ಮತೋರ್ವ ಸ್ವಾಮಿಜಿ ತಿಳಿಸಿದಾರೆ. ಧವನ್, ರೈನಾ, ಕೊಹ್ಲಿ ಬ್ಯಾಟಿಗೆ ಕುಂಬಳಕಾಯಿ ಒಡೆದು ಅದನ್ನು ಪಾಕ್ ಆಟಗಾರ ವೇಷಭೂಷಣದ ಕೋಣೆಗೆ ಕಳುಸಿದ್ದು ಮತ್ತು ಅದನ್ನು ಯಾರಿಗೂ ತಿಳಿಯದಂತೆ ಮಾಡಿಸಿದ್ದು ನಾನೇ ಎಂದು ಅಂಗಣದಲ್ಲಿ ಕಿರಿ-ಕೆಟ್ಟು ಆಟ ನೋಡಿ ಬಂದ ಗುರು ಭಂ ಭಂ ಭೊಲೇನಾಥ್ ಮಾಧ್ಯಮ ಗೋಷ್ಠಿಯಲ್ಲಿ ವಿವರಿಸಿದ್ದಾರೆ. ಮುಂದಿನ ದಿನಗಳಲ್ಲಿ ಎಲ್ಲ ಪಂದ್ಯಗಳಲ್ಲಿ ಭಾರತವೇ ಗೆಲ್ಲುವಂತೆ ಮಾಡಲು ತಾನು ಶಕ್ತಿಯೊಂದನ್ನು ಕಂಡುಹಿಡಿದಿದ್ದು ಅದರ ಪ್ರಯೋಗ ಮುಂದುವರಿದಿದೆ ಎಂದು ತಿಳಿಸಿದ್ದಾರೆ.